ויקם בלילה הוא ויקח את שתי נשיו ואת שתי שפחתיו ואת אחד עשר ילדיו ויעבר את מעבר יבק׃

ויותר יעקב לבדו ויאבק איש עמו עד עלות השחר׃

ויבא אליהם יהושע פתאם כל הלילה עלה מן הגלגל׃

ויקח גדעון עשרה אנשים מעבדיו ויעש כאשר דבר אליו יהוה ויהי כאשר ירא את בית אביו ואת אנשי העיר מעשות יומם ויעש לילה׃

ועתה קום לילה אתה והעם אשר אתך וארב בשדה׃

ויקם ויקח את הילד ואת אמו בלילה ויברח מצרימה׃

עת לקרוע ועת לתפור עת לחשות ועת לדבר׃

לכן המשכיל בעת ההיא ידם כי עת רעה היא׃

אל תאמינו ברע אל תבטחו באלוף משכבת חיקך שמר פתחי פיך׃

הנני שלח אתכם ככבשים בין הזאבים לכן היו ערומים כנחשים ותמימים כיונים׃

ברוך יהוה אלהי אבותינו אשר נתן כזאת בלב המלך לפאר את בית יהוה אשר בירושלם׃

היטיבה ברצונך את ציון תבנה חומות ירושלם׃

שאלו שלום ירושלם ישליו אהביך׃

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

וכרתי להם ברית עולם אשר לא אשוב מאחריהם להיטיבי אותם ואת יראתי אתן בלבבם לבלתי סור מעלי׃

ותודות לאלהים הנותן גם בלב טיטוס לשקד עליכם בשקידה כזאת׃

אל תתעו אחי אהובי׃

כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃

כי האלהים נתן בלבם לעשות את עצתו ולעשות עצה אחת ולתת את ממשלתם לחיה עד כי ישלמו דברי האלהים׃