Nombres 18:26-28
26
ואל הלוים תדבר ואמרת אלהם כי תקחו מאת בני ישראל את המעשר אשר נתתי לכם מאתם בנחלתכם והרמתם ממנו תרומת יהוה מעשר מן המעשר׃
27
ונחשב לכם תרומתכם כדגן מן הגרן וכמלאה מן היקב׃
28
כן תרימו גם אתם תרומת יהוה מכל מעשרתיכם אשר תקחו מאת בני ישראל ונתתם ממנו את תרומת יהוה לאהרן הכהן׃
Néhémie 13:12
וכל יהודה הביאו מעשר הדגן והתירוש והיצהר לאוצרות׃
Néhémie 13:13
ואוצרה על אוצרות שלמיה הכהן וצדוק הסופר ופדיה מן הלוים ועל ידם חנן בן זכור בן מתניה כי נאמנים נחשבו ועליהם לחלק לאחיהם׃
1 Chroniques 9:26
כי באמונה המה ארבעת גברי השערים הם הלוים והיו על הלשכות ועל האצרות בית האלהים׃
2 Chroniques 31:11
ויאמר יחזקיהו להכין לשכות בבית יהוה ויכינו׃
2 Chroniques 31:12
ויביאו את התרומה והמעשר והקדשים באמונה ועליהם נגיד כונניהו הלוי ושמעי אחיהו משנה׃