קומה יהוה למנוחתך אתה וארון עזך׃

ואת המנרות ונרתיהם לבערם כמשפט לפני הדביר זהב סגור׃

ויעש כפרת זהב טהור אמתים וחצי ארכה ואמה וחצי רחבה׃

כרוב אחד מקצה מזה וכרוב אחד מקצה מזה מן הכפרת עשה את הכרבים משני קצוותו׃

ויעש בדביר שני כרובים עצי שמן עשר אמות קומתו׃

ועשר באמה הכרוב השני מדה אחת וקצב אחד לשני הכרבים׃

ויתן את הכרובים בתוך הבית הפנימי ויפרשו את כנפי הכרבים ותגע כנף האחד בקיר וכנף הכרוב השני נגעת בקיר השני וכנפיהם אל תוך הבית נגעת כנף אל כנף׃

ויבאו הכהנים את ארון ברית יהוה אל מקומו אל דביר הבית אל קדש הקדשים אל תחת כנפי הכרובים׃

כי הכרובים פרשים כנפים אל מקום הארון ויסכו הכרבים על הארון ועל בדיו מלמעלה׃

אשר לו מזבח הזהב לקטרת וארון הברית מצפה זהב כלו ובו צנצנת זהב אשר המן בתוכו ומטה אהרן אשר פרח ולוחות הברית׃

וממעל לו כרובי הכבוד הסככים על הכפרת לא נדבר כעת על כל אחד מהם בפרט׃