מפלטי מאיבי אף מן קמי תרוממני מאיש חמס תצילני׃

מגדל ישועות מלכו ועשה חסד למשיחו לדוד ולזרעו עד עולם׃

ותשועת צדיקים מיהוה מעוזם בעת צרה׃

ויעזרם יהוה ויפלטם יפלטם מרשעים ויושיעם כי חסו בו׃

הנותן תשועה למלכים הפוצה את דוד עבדו מחרב רעה׃

לכן כה אמר אדני יהוה צבאות אל תירא עמי ישב ציון מאשור בשבט יככה ומטהו ישא עליך בדרך מצרים׃

כי עוד מעט מזער וכלה זעם ואפי על תבליתם׃

כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃

כצפרים עפות כן יגן יהוה צבאות על ירושלם גנון והציל פסח והמליט׃

כי יהוה שפטנו יהוה מחקקנו יהוה מלכנו הוא יושיענו׃

ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים׃

כי זה אלהים אלהינו עולם ועד הוא ינהגנו על מות׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

תרב גדלתי ותסב תנחמני׃

בעצתך תנחני ואחר כבוד תקחני׃

ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

ורוח האמת בבאו הוא ידריך אתכם אל כל האמת כי לא ידבר מעצמו כי אם אשר ישמע ידבר והאתיות יגיד לכם׃

והאדון הוא יישר את לבבכם לאהבת האלהים ולסבלנות המשיח׃