הגר אשר בקרבך יעלה עליך מעלה מעלה ואתה תרד מטה מטה׃

יהוה מוריש ומעשיר משפיל אף מרומם׃

ראה כל גאה הכניעהו והדך רשעים תחתם׃

ויתנם ביד גוים וימשלו בהם שנאיהם׃

פעמים רבות יצילם והמה ימרו בעצתם וימכו בעונם׃

גאות אדם תשפילנו ושפל רוח יתמך כבוד׃

עשוק אפרים רצוץ משפט כי הואיל הלך אחרי צו׃

וישתמר חקות עמרי וכל מעשה בית אחאב ותלכו במעצותם למען תתי אתך לשמה וישביה לשרקה וחרפת עמי תשאו׃

ולו אחים בני יהושפט עזריה ויחיאל וזכריהו ועזריהו ומיכאל ושפטיהו כל אלה בני יהושפט מלך ישראל׃

ותפקחנה עיני שניהם וידעו כי עירמם הם ויתפרו עלה תאנה ויעשו להם חגרת׃

ויאמר מי הגיד לך כי עירם אתה המן העץ אשר צויתיך לבלתי אכל ממנו אכלת׃

וירא משה את העם כי פרע הוא כי פרעה אהרן לשמצה בקמיהם׃

כי אמרת אך עשרתי מצאתי און לי ולא חסרתי כל ולא ידעת כי אמלל אתה ודוי ועני ועור וערם׃

אני איעצך לפנות מאתי זהב צרוף באש למען תעשיר ובגדים לבנים למען תתכסה בהם ולא תראה בשת ערותות ולמשח עיניך קלורית למען תראה׃

הנני בא כגנב אשרי השקד ושמר את בגדיו למען לא ילך ערם וראו את ערותו׃