2 Chroniques 23:16
ויכרת יהוידע ברית בינו ובין כל העם ובין המלך להיות לעם ליהוה׃
2 Samuel 5:3
ויבאו כל זקני ישראל אל המלך חברונה ויכרת להם המלך דוד ברית בחברון לפני יהוה וימשחו את דוד למלך על ישראל׃
2 Rois 11:17
ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העם׃
1 Chroniques 11:3
ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל׃
2 Chroniques 6:16
ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃
2 Chroniques 7:18
והקימותי את כסא מלכותך כאשר כרתי לדויד אביך לאמר לא יכרת לך איש מושל בישראל׃
2 Chroniques 21:7
ולא אבה יהוה להשחית את בית דויד למען הברית אשר כרת לדויד וכאשר אמר לתת לו ניר ולבניו כל הימים׃
2 Samuel 7:12
כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃
2 Samuel 7:16
ונאמן ביתך וממלכתך עד עולם לפניך כסאך יהיה נכון עד עולם׃
1 Rois 2:4
למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃
1 Rois 9:5
והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃
1 Chroniques 9:9-27
9
ואחיהם לתלדותם תשע מאות וחמשים וששה כל אלה אנשים ראשי אבות לבית אבתיהם׃
10
ומן הכהנים ידעיה ויהויריב ויכין׃
11
ועזריה בן חלקיה בן משלם בן צדוק בן מריות בן אחיטוב נגיד בית האלהים׃
12
ועדיה בן ירחם בן פשחור בן מלכיה ומעשי בן עדיאל בן יחזרה בן משלם בן משלמית בן אמר׃
13
ואחיהם ראשים לבית אבותם אלף ושבע מאות וששים גבורי חיל מלאכת עבודת בית האלהים׃
14
ומן הלוים שמעיה בן חשוב בן עזריקם בן חשביה מן בני מררי׃
15
ובקבקר חרש וגלל ומתניה בן מיכא בן זכרי בן אסף׃
16
ועבדיה בן שמעיה בן גלל בן ידותון וברכיה בן אסא בן אלקנה היושב בחצרי נטופתי׃
17
והשערים שלום ועקוב וטלמן ואחימן ואחיהם שלום הראש׃
18
ועד הנה בשער המלך מזרחה המה השערים למחנות בני לוי׃
19
ושלום בן קורא בן אביסף בן קרח ואחיו לבית אביו הקרחים על מלאכת העבודה שמרי הספים לאהל ואבתיהם על מחנה יהוה שמרי המבוא׃
20
ופינחס בן אלעזר נגיד היה עליהם לפנים יהוה עמו׃
21
זכריה בן משלמיה שער פתח לאהל מועד׃
22
כלם הברורים לשערים בספים מאתים ושנים עשר המה בחצריהם התיחשם המה יסד דויד ושמואל הראה באמונתם׃
23
והם ובניהם על השערים לבית יהוה לבית האהל למשמרות׃
24
לארבע רוחות יהיו השערים מזרח ימה צפונה ונגבה׃
25
ואחיהם בחצריהם לבוא לשבעת הימים מעת אל עת עם אלה׃
26
כי באמונה המה ארבעת גברי השערים הם הלוים והיו על הלשכות ועל האצרות בית האלהים׃
27
וסביבות בית האלהים ילינו כי עליהם משמרת והם על המפתח ולבקר לבקר׃
Psaumes 89:29
ושמתי לעד זרעו וכסאו כימי שמים׃
Psaumes 89:36
זרעו לעולם יהיה וכסאו כשמש נגדי׃