וישלח המלך שלמה ויקח את חירם מצר׃

בן אשה אלמנה הוא ממטה נפתלי ואביו איש צרי חרש נחשת וימלא את החכמה ואת התבונה ואת הדעת לעשות כל מלאכה בנחשת ויבוא אל המלך שלמה ויעש את כל מלאכתו׃

ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

ואמלא אתו רוח אלהים בחכמה ובתבונה ובדעת ובכל מלאכה׃

לחשב מחשבת לעשות בזהב ובכסף ובנחשת׃