ויהי בהכרית איזבל את נביאי יהוה ויקח עבדיהו מאה נבאים ויחביאם חמשים איש במערה וכלכלם לחם ומים׃

ויאמר קנא קנאתי ליהוה אלהי צבאות כי עזבו בריתך בני ישראל את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתה׃

ויהי כראות אחאב את אליהו ויאמר אחאב אליו האתה זה עכר ישראל׃

ויאמר אליו כה אמר יהוה יען שלחת את איש חרמי מיד והיתה נפשך תחת נפשו ועמך תחת עמו׃

וילך מלך ישראל על ביתו סר וזעף ויבא שמרונה׃

ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃

תמותת רשע רעה ושנאי צדיק יאשמו׃

מקול אויב מפני עקת רשע כי ימיטו עלי און ובאף ישטמוני׃

הצילני מטיט ואל אטבעה אנצלה משנאי וממעמקי מים׃

אל תוכח לץ פן ישנאך הוכח לחכם ויאהבך׃

אנשי דמים ישנאו תם וישרים יבקשו נפשו׃

ויאמרו לכו ונחשבה על ירמיהו מחשבות כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו׃

שנאו בשער מוכיח ודבר תמים יתעבו׃

יען אשר אמר יוחנן אל הורדוס אשת אחיך איננה מתרת לך׃

ותשטם אותו הורודיה ותבקש המיתו ולא יכלה׃

ומיד שלח המלך אחד הטבחים ויצוהו להביא את ראשו׃

אשריכם אם ישנאו אתכם האנשים ואם ינדו אתכם וחרפו והדיחו את שמכם כשם רע בעבור בן האדם׃

לא יוכל העולם לשנוא אתכם ואתי ישנא באשר אני מעיד עליו כי רעים מעלליו׃

אם העולם שנא אתכם דעו כי אתי שנא ראשונה׃

אלו מן העולם הייתם כי אז אהב העולם את אשר לו ויען כי אינכם מן העולם כי אם בחרתי אתכם מתוך העולם לכן העולם ישנא אתכם׃

לולא עשיתי בתוכם את המעשים אשר איש זולתי לא עשה לא היה בהם חטא ועתה ראו וישנאו גם אתי גם את אבי׃

ועתה הנהייתי לכם לאיב בדברי אמת אליכם׃

אשר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

ויאמרו השרים אל המלך יומת נא את האיש הזה כי על כן הוא מרפא את ידי אנשי המלחמה הנשארים בעיר הזאת ואת ידי כל העם לדבר אליהם כדברים האלה כי האיש הזה איננו דרש לשלום לעם הזה כי אם לרעה׃

ויאמר מיכיהו חי יהוה כי את אשר יאמר אלהי אתו אדבר׃

ויהי כראות יהורם את יהוא ויאמר השלום יהוא ויאמר מה השלום עד זנוני איזבל אמך וכשפיה הרבים׃

בן אדם צפה נתתיך לבית ישראל ושמעת מפי דבר והזהרת אותם ממני׃

ואתה כי הזהרת רשע ולא שב מרשעו ומדרכו הרשעה הוא בעונו ימות ואתה את נפשך הצלת׃

על כן מעיד אני בכם היום הזה כי נקי אנכי מדמי כלכם׃

כי לא כחדתי מהגיד לכם את עצת האלהים כלה׃

נזם זהב וחלי כתם מוכיח חכם על אזן שמעת׃

האמור בית יעקב הקצר רוח יהוה אם אלה מעלליו הלוא דברי ייטיבו עם הישר הולך׃