2 Chroniques 11:23
ויבן ויפרץ מכל בניו לכל ארצות יהודה ובנימן לכל ערי המצרות ויתן להם המזון לרב וישאל המון נשים׃
Deutéronome 17:17
ולא ירבה לו נשים ולא יסור לבבו וכסף וזהב לא ירבה לו מאד׃
Juges 8:30
ולגדעון היו שבעים בנים יצאי ירכו כי נשים רבות היו לו׃
2 Samuel 3:2-5
2
וילדו לדוד בנים בחברון ויהי בכורו אמנון לאחינעם היזרעאלת׃
3
ומשנהו כלאב לאביגל אשת נבל הכרמלי והשלשי אבשלום בן מעכה בת תלמי מלך גשור׃
4
והרביעי אדניה בן חגית והחמישי שפטיה בן אביטל׃
5
והששי יתרעם לעגלה אשת דוד אלה ילדו לדוד בחברון׃
2 Samuel 5:13
ויקח דוד עוד פלגשים ונשים מירושלם אחרי באו מחברון ויולדו עוד לדוד בנים ובנות׃
1 Rois 11:3
ויהי לו נשים שרות שבע מאות ופלגשים שלש מאות ויטו נשיו את לבו׃
1 Chroniques 3:1-9
1
ואלה היו בני דויד אשר נולד לו בחברון הבכור אמנן לאחינעם היזרעאלית שני דניאל לאביגיל הכרמלית׃
2
השלשי לאבשלום בן מעכה בת תלמי מלך גשור הרביעי אדניה בן חגית׃
3
החמישי שפטיה לאביטל הששי יתרעם לעגלה אשתו׃
4
ששה נולד לו בחברון וימלך שם שבע שנים וששה חדשים ושלשים ושלוש שנה מלך בירושלם׃
5
ואלה נולדו לו בירושלים שמעא ושובב ונתן ושלמה ארבעה לבת שוע בת עמיאל׃
6
ויבחר ואלישמע ואליפלט׃
7
ונגה ונפג ויפיע׃
8
ואלישמע ואלידע ואליפלט תשעה׃
9
כל בני דויד מלבד בני פילגשים ותמר אחותם׃
Cantique des Cantiques 6:8
ששים המה מלכות ושמנים פילגשים ועלמות אין מספר׃
Cantique des Cantiques 6:9
אחת היא יונתי תמתי אחת היא לאמה ברה היא ליולדתה ראוה בנות ויאשרוה מלכות ופילגשים ויהללוה׃