ויתן משה לחצי שבט מנשה ויהי לחצי מטה בני מנשה למשפחותם׃

וחצי הגלעד ועשתרות ואדרעי ערי ממלכות עוג בבשן לבני מכיר בן מנשה לחצי בני מכיר למשפחותם׃

ונקח בעת ההוא את הארץ מיד שני מלכי האמרי אשר בעבר הירדן מנחל ארנן עד הר חרמון׃

צידנים יקראו לחרמון שרין והאמרי יקראו לו שניר׃

והגלעד וגבול הגשורי והמעכתי וכל הר חרמון וכל הבשן עד סלכה׃

כטל חרמון שירד על הררי ציון כי שם צוה יהוה את הברכה חיים עד העולם׃

אתי מלבנון כלה אתי מלבנון תבואי תשורי מראש אמנה מראש שניר וחרמון ממענות אריות מהררי נמרים׃