1 Chroniques 9:17-27
17
והשערים שלום ועקוב וטלמן ואחימן ואחיהם שלום הראש׃
18
ועד הנה בשער המלך מזרחה המה השערים למחנות בני לוי׃
19
ושלום בן קורא בן אביסף בן קרח ואחיו לבית אביו הקרחים על מלאכת העבודה שמרי הספים לאהל ואבתיהם על מחנה יהוה שמרי המבוא׃
20
ופינחס בן אלעזר נגיד היה עליהם לפנים יהוה עמו׃
21
זכריה בן משלמיה שער פתח לאהל מועד׃
22
כלם הברורים לשערים בספים מאתים ושנים עשר המה בחצריהם התיחשם המה יסד דויד ושמואל הראה באמונתם׃
23
והם ובניהם על השערים לבית יהוה לבית האהל למשמרות׃
24
לארבע רוחות יהיו השערים מזרח ימה צפונה ונגבה׃
25
ואחיהם בחצריהם לבוא לשבעת הימים מעת אל עת עם אלה׃
26
כי באמונה המה ארבעת גברי השערים הם הלוים והיו על הלשכות ועל האצרות בית האלהים׃
27
וסביבות בית האלהים ילינו כי עליהם משמרת והם על המפתח ולבקר לבקר׃
1 Chroniques 15:23
וברכיה ואלקנה שערים לארון׃
1 Chroniques 15:24
ושבניהו ויושפט ונתנאל ועמשי וזכריהו ובניהו ואליעזר הכהנים מחצצרים בחצצרות לפני ארון האלהים ועבד אדם ויחיה שערים לארון׃
1 Chroniques 16:38
ועבד אדם ואחיהם ששים ושמונה ועבד אדם בן ידיתון וחסה לשערים׃
1 Chroniques 26:1-12
1
למחלקות לשערים לקרחים משלמיהו בן קרא מן בני אסף׃
2
ולמשלמיהו בנים זכריהו הבכור ידיעאל השני זבדיהו השלישי יתניאל הרביעי׃
3
עילם החמישי יהוחנן הששי אליהועיני השביעי׃
4
ולעבד אדם בנים שמעיה הבכור יהוזבד השני יואח השלשי ושכר הרביעי ונתנאל החמישי׃
5
עמיאל הששי יששכר השביעי פעלתי השמיני כי ברכו אלהים׃
6
ולשמעיה בנו נולד בנים הממשלים לבית אביהם כי גבורי חיל המה׃
7
בני שמעיה עתני ורפאל ועובד אלזבד אחיו בני חיל אליהו וסמכיהו׃
8
כל אלה מבני עבד אדם המה ובניהם ואחיהם איש חיל בכח לעבדה ששים ושנים לעבד אדם׃
9
ולמשלמיהו בנים ואחים בני חיל שמונה עשר׃
10
ולחסה מן בני מררי בנים שמרי הראש כי לא היה בכור וישימהו אביהו לראש׃
11
חלקיהו השני טבליהו השלשי זכריהו הרבעי כל בנים ואחים לחסה שלשה עשר׃
12
לאלה מחלקות השערים לראשי הגברים משמרות לעמת אחיהם לשרת בבית יהוה׃
2 Chroniques 8:14
ויעמד כמשפט דויד אביו את מחלקות הכהנים על עבדתם והלוים על משמרותם להלל ולשרת נגד הכהנים לדבר יום ביומו והשוערים במחלקותם לשער ושער כי כן מצות דויד איש האלהים׃
2 Chroniques 35:15
והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם׃
Esdras 7:7
ויעלו מבני ישראל ומן הכהנים והלוים והמשררים והשערים והנתינים אל ירושלם בשנת שבע לארתחשסתא המלך׃
Néhémie 7:73
וישבו הכהנים והלוים והשוערים והמשררים ומן העם והנתינים וכל ישראל בעריהם ויגע החדש השביעי ובני ישראל בעריהם׃
1 Chroniques 6:31-48
31
ואלה אשר העמיד דויד על ידי שיר בית יהוה ממנוח הארון׃
32
ויהיו משרתים לפני משכן אהל מועד בשיר עד בנות שלמה את בית יהוה בירושלם ויעמדו כמשפטם על עבודתם׃
33
ואלה העמדים ובניהם מבני הקהתי הימן המשורר בן יואל בן שמואל׃
34
בן אלקנה בן ירחם בן אליאל בן תוח׃
35
בן ציף בן אלקנה בן מחת בן עמשי׃
36
בן אלקנה בן יואל בן עזריה בן צפניה׃
37
בן תחת בן אסיר בן אביסף בן קרח׃
38
בן יצהר בן קהת בן לוי בן ישראל׃
39
ואחיו אסף העמד על ימינו אסף בן ברכיהו בן שמעא׃
40
בן מיכאל בן בעשיה בן מלכיה׃
41
בן אתני בן זרח בן עדיה׃
42
בן איתן בן זמה בן שמעי׃
43
בן יחת בן גרשם בן לוי׃
44
ובני מררי אחיהם על השמאול איתן בן קישי בן עבדי בן מלוך׃
45
בן חשביה בן אמציה בן חלקיה׃
46
בן אמצי בן בני בן שמר׃
47
בן מחלי בן מושי בן מררי בן לוי׃
48
ואחיהם הלוים נתונים לכל עבודת משכן בית האלהים׃
1 Chroniques 9:33
ואלה המשררים ראשי אבות ללוים בלשכת פטירים כי יומם ולילה עליהם במלאכה׃
1 Chroniques 15:16-22
16
ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה׃
17
ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושיהו׃
18
ועמהם אחיהם המשנים זכריהו בן ויעזיאל ושמירמות ויחיאל ועני אליאב ובניהו ומעשיהו ומתתיהו ואליפלהו ומקניהו ועבד אדם ויעיאל השערים׃
19
והמשררים הימן אסף ואיתן במצלתים נחשת להשמיע׃
20
וזכריה ועזיאל ושמירמות ויחיאל ועני ואליאב ומעשיהו ובניהו בנבלים על עלמות׃
21
ומתתיהו ואליפלהו ומקניהו ועבד אדם ויעיאל ועזזיהו בכנרות על השמינית לנצח׃
22
וכנניהו שר הלוים במשא יסר במשא כי מבין הוא׃
1 Chroniques 16:41
ועמהם הימן וידותון ושאר הברורים אשר נקבו בשמות להדות ליהוה כי לעולם חסדו׃
1 Chroniques 16:42
ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער׃
1 Chroniques 25:1-7
1
ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם׃
2
לבני אסף זכור ויוסף ונתניה ואשראלה בני אסף על יד אסף הנבא על ידי המלך׃
3
לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה׃
4
להימן בני הימן בקיהו מתניהו עזיאל שבואל וירימות חנניה חנני אליאתה גדלתי ורממתי עזר ישבקשה מלותי הותיר מחזיאות׃
5
כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש׃
6
כל אלה על ידי אביהם בשיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃
7
ויהי מספרם עם אחיהם מלמדי שיר ליהוה כל המבין מאתים שמונים ושמונה׃
2 Chroniques 20:19-21
19
ויקמו הלוים מן בני הקהתים ומן בני הקרחים להלל ליהוה אלהי ישראל בקול גדול למעלה׃
20
וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם האמינו ביהוה אלהיכם ותאמנו האמינו בנביאיו והצליחו׃
21
ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃
Psaumes 87:7
ושרים כחללים כל מעיני בך׃
1 Rois 10:12
ויעש המלך את עצי האלמגים מסעד לבית יהוה ולבית המלך וכנרות ונבלים לשרים לא בא כן עצי אלמגים ולא נראה עד היום הזה׃
2 Chroniques 29:25
ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו׃
2 Chroniques 29:26
ויעמדו הלוים בכלי דויד והכהנים בחצצרות׃
Amos 6:5
הפרטים על פי הנבל כדויד חשבו להם כלי שיר׃