למנצח מזמור לדוד השמים מספרים כבוד אל ומעשה ידיו מגיד הרקיע׃

ויודו שמים פלאך יהוה אף אמונתך בקהל קדשים׃

הללו יה הללו את יהוה מן השמים הללוהו במרומים׃

הללוהו שמש וירח הללוהו כל כוכבי אור׃

ויהי פתאם אצל המלאך המון צבא השמים והם משבחים את האלהים ואמרים׃

כבוד במרומים לאלהים ובארץ שלום בבני אדם רצונו׃

כן אני אמר לכם תהיה שמחה לנפי מלאכי אלהים על חוטא אחד אשר שב מחטאו׃

יהוה מלך תגל הארץ ישמחו איים רבים׃

הריעו ליהוה כל הארץ פצחו ורננו וזמרו׃

ויאמר אליהם המלאך אל תיראו כי הנני מבשר אתכם שמחה גדולה אשר תהיה לכל העם׃

יהוה מלך גאות לבש לבש יהוה עז התאזר אף תכון תבל בל תמוט׃

נכון כסאך מאז מעולם אתה׃

אמרו בגוים יהוה מלך אף תכון תבל בל תמוט ידין עמים במישרים׃

יהוה מלך ירגזו עמים ישב כרובים תנוט הארץ׃

תהלה לדוד ארוממך אלוהי המלך ואברכה שמך לעולם ועד׃

כי יהוה שפטנו יהוה מחקקנו יהוה מלכנו הוא יושיענו׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃