מזמור לדוד הבו ליהוה בני אלים הבו ליהוה כבוד ועז׃

הבו ליהוה כבוד שמו השתחוו ליהוה בהדרת קדש׃

תנו עז לאלהים על ישראל גאותו ועזו בשחקים׃

למנצח שיר מזמור הריעו לאלהים כל הארץ׃

זמרו כבוד שמו שימו כבוד תהלתו׃

ישמחו וירננו לאמים כי תשפט עמים מישור ולאמים בארץ תנחם סלה׃

יברכנו אלהים וייראו אתו כל אפסי ארץ׃

אין כמוך באלהים אדני ואין כמעשיך׃

כי גדול אתה ועשה נפלאות אתה אלהים לבדך׃

הריעו ליהוה כל הארץ פצחו ורננו וזמרו׃

מזמור לתודה הריעו ליהוה כל הארץ׃

עבדו את יהוה בשמחה באו לפניו ברננה׃

והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃

ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם׃

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃

לא לנו יהוה לא לנו כי לשמך תן כבוד על חסדך על אמתך׃

למה יאמרו הגוים איה נא אלהיהם׃

אבל בחסד אלהים הייתי מה שהייתי וחסדו עלי לא היה לריק כי יותר מכלם עבדתי ולא אני כי אם חסד אלהים אשר עמדי׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

לתהלת כבוד חסדו אשר נתן אתנו בידידו׃

כי יתן לכם אלהי אדנינו ישוע המשיח אבי הכבוד את רוח החכמה והחזון לדעת אתו׃

ואי זה הוא יתרון גדלת גבורתו בנו המאמינים כפי פעלת עצת כחו׃

כל זאת אוכל בעזרת המשיח הנותן כח בקרבי׃