אל נערץ בסוד קדשים רבה ונורא על כל סביביו׃

יהוה מה אדם ותדעהו בן אנוש ותחשבהו׃

יהוה הט שמיך ותרד גע בהרים ויעשנו׃

מי מדד בשעלו מים ושמים בזרת תכן וכל בשלש עפר הארץ ושקל בפלס הרים וגבעות במאזנים׃

את מי נועץ ויבינהו וילמדהו בארח משפט וילמדהו דעת ודרך תבונות יודיענו׃

ולבנון אין די בער וחיתו אין די עולה׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃

מי כמכה באלם יהוה מי כמכה נאדר בקדש נורא תהלת עשה פלא׃

אמרו לאלהים מה נורא מעשיך ברב עזך יכחשו לך איביך׃

לכו וראו מפעלות אלהים נורא עלילה על בני אדם׃

אתה נורא אתה ומי יעמד לפניך מאז אפך׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

מאין כמוך יהוה גדול אתה וגדול שמך בגבורה׃

ובאחת יבערו ויכסלו מוסר הבלים עץ הוא׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך׃