עזי וזמרת יה ויהי לי לישועה זה אלי ואנוהו אלהי אבי וארממנהו׃

מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃

כי הוא אלהינו ואנחנו עם מרעיתו וצאן ידו היום אם בקלו תשמעו׃

דעו כי יהוה הוא אלהים הוא עשנו ולא אנחנו עמו וצאן מרעיתו׃

אלי אתה ואודך אלהי ארוממך׃

זכרו נפלאתיו אשר עשה מפתיו ומשפטי פיהו׃

כשמך אלהים כן תהלתך על קצוי ארץ צדק מלאה ימינך׃

ישמח הר ציון תגלנה בנות יהודה למען משפטיך׃

שמעה ותשמח ציון ותגלנה בנות יהודה למען משפטיך יהוה׃

כי אתה יהוה עליון על כל הארץ מאד נעלית על כל אלהים׃