ויועץ המלך ויעש שני עגלי זהב ויאמר אלהם רב לכם מעלות ירושלם הנה אלהיך ישראל אשר העלוך מארץ מצרים׃

ויהי הדבר הזה לחטאת וילכו העם לפני האחד עד דן׃

ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח כן עשה בבית אל לזבח לעגלים אשר עשה והעמיד בבית אל את כהני הבמות אשר עשה׃

אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוה׃

לעגלות בית און יגורו שכן שמרון כי אבל עליו עמו וכמריו עליו יגילו על כבודו כי גלה ממנו׃

ככה עשה לכם בית אל מפני רעת רעתכם בשחר נדמה נדמה מלך ישראל׃

כי ביום פקדי פשעי ישראל עליו ופקדתי על מזבחות בית אל ונגדעו קרנות המזבח ונפלו לארץ׃

באו בית אל ופשעו הגלגל הרבו לפשע והביאו לבקר זבחיכם לשלשת ימים מעשרתיכם׃

ואל תדרשו בית אל והגלגל לא תבאו ובאר שבע לא תעברו כי הגלגל גלה יגלה ובית אל יהיה לאון׃

ובית אל לא תוסיף עוד להנבא כי מקדש מלך הוא ובית ממלכה הוא׃

גם עוילים מאסו בי אקומה וידברו בי׃

ועתה שחקו עלי צעירים ממני לימים אשר מאסתי אבותם לשית עם כלבי צאני׃

בני נבל גם בני בלי שם נכאו מן הארץ׃

תעבוני רחקו מני ומפני לא חשכו רק׃

על ימין פרחח יקומו רגלי שלחו ויסלו עלי ארחות אידם׃

כפרץ רחב יאתיו תחת שאה התגלגלו׃

ועתה עלי תשתפך נפשי יאחזוני ימי עני׃

ברב כח יתחפש לבושי כפי כתנתי יאזרני׃

אשוע אליך ולא תענני עמדתי ותתבנן בי׃

תשאני אל רוח תרכיבני ותמגגני תשוה׃

אך לא בעי ישלח יד אם בפידו להן שוע׃

כי טוב קויתי ויבא רע ואיחלה לאור ויבא אפל׃

קדר הלכתי בלא חמה קמתי בקהל אשוע׃

עורי שחר מעלי ועצמי חרה מני חרב׃

גם במעלליו יתנכר נער אם זך ואם ישר פעלו׃

חנך לנער על פי דרכו גם כי יזקין לא יסור ממנה׃

אולת קשורה בלב נער שבט מוסר ירחיקנה ממנו׃

והסר כעס מלבך והעבר רעה מבשרך כי הילדות והשחרות הבל׃

הוי גוי חטא עם כבד עון זרע מרעים בנים משחיתים עזבו את יהוה נאצו את קדוש ישראל נזרו אחור׃

ונגש העם איש באיש ואיש ברעהו ירהבו הנער בזקן והנקלה בנכבד׃

הבנים מלקטים עצים והאבות מבערים את האש והנשים לשות בצק לעשות כונים למלכת השמים והסך נסכים לאלהים אחרים למען הכעסני׃

ותרא שרה את בן הגר המצרית אשר ילדה לאברהם מצחק׃

ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃

ועתה שחקו עלי צעירים ממני לימים אשר מאסתי אבותם לשית עם כלבי צאני׃

בני נבל גם בני בלי שם נכאו מן הארץ׃

ועתה נגינתם הייתי ואהי להם למלה׃

ובצלעי שמחו ונאספו נאספו עלי נכים ולא ידעתי קרעו ולא דמו׃

ואתם קרבו הנה בני עננה זרע מנאף ותזנה׃

על מי תתענגו על מי תרחיבו פה תאריכו לשון הלוא אתם ילדי פשע זרע שקר׃

וכאשר הנולד לפי הבשר אז היה רדף את הנולד לפי הרוח כן הוא גם עתה׃

מהם נסו בתעלולים ובמכות וגם נמסרו לכבל ומסגר׃

ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמים׃

וישרגו קצים ויעשו עטרת וישימו על ראשו וקנה בימינו ויכרעו לפניו ויתלוצצו בו לאמר שלום לך מלך היהודים׃

ואחרי התלוצצם בו הפשיטו אותו את המעיל וילבישהו את בגדיו ויוליכהו לצלב׃

ויאמרו אתה ההרס את ההיכל ובנהו בשלשת ימים הושע לנפשך ואם בן האלהים אתה רדה מן הצלב׃

את אחרים הושיע ולעצמו לא יוכל להושיע אם מלך ישראל הוא ירד נא עתה מן הצלב ונאמין בו׃