כי נטה אל אל ידו ואל שדי יתגבר׃

ירוץ אליו בצואר בעבי גבי מגניו׃

אם תכתוש את האויל במכתש בתוך הריפות בעלי לא תסור מעליו אולתו׃

זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

על מה תכו עוד תוסיפו סרה כל ראש לחלי וכל לבב דוי׃

ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃

וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף׃

ויאמר אהרן אל משה בי אדני אל נא תשת עלינו חטאת אשר נואלנו ואשר חטאנו׃

ויצעק משה אל יהוה לאמר אל נא רפא נא לה׃

ויען המלך ויאמר אל איש האלהים חל נא את פני יהוה אלהיך והתפלל בעדי ותשב ידי אלי ויחל איש האלהים את פני יהוה ותשב יד המלך אליו ותהי כבראשנה׃

והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל׃

הנני נתן אנשים מכנסית השטן האמרים יהודים אנחנו ואינם כי כזבים המה הנני עשה אשר יבאו להשתחות לפני רגליך וידעו כי אני אהבתיך׃

פנה אל תפלת הערער ולא בזה את תפלתם׃

לכן הכנעו לאלהים התיצבו נגד השטן ויברח מפניכם׃