ולגדעון היו שבעים בנים יצאי ירכו כי נשים רבות היו לו׃

ופילגשו אשר בשכם ילדה לו גם היא בן וישם את שמו אבימלך׃

ויבא בית אביו עפרתה ויהרג את אחיו בני ירבעל שבעים איש על אבן אחת ויותר יותם בן ירבעל הקטן כי נחבא׃

וילדו לדוד בנים בחברון ויהי בכורו אמנון לאחינעם היזרעאלת׃

והרביעי אדניה בן חגית והחמישי שפטיה בן אביטל׃

ויקח דוד עוד פלגשים ונשים מירושלם אחרי באו מחברון ויולדו עוד לדוד בנים ובנות׃

ויבחר ואלישוע ונפג ויפיע׃

ויאהב רחבעם את מעכה בת אבשלום מכל נשיו ופילגשיו כי נשים שמונה עשרה נשא ופילגשים ששים ויולד עשרים ושמונה בנים וששים בנות׃

אשר עוד בקשה נפשי ולא מצאתי אדם אחד מאלף מצאתי ואשה בכל אלה לא מצאתי׃