ארדוף אויבי ואשיגם ולא אשוב עד כלותם׃

לדוד מזמור נאם יהוה לאדני שב לימיני עד אשית איביך הדם לרגליך׃

אדני על ימינך מחץ ביום אפו מלכים׃

ידין בגוים מלא גויות מחץ ראש על ארץ רבה׃

כל גוים סבבוני בשם יהוה כי אמילם׃

סבוני כדבורים דעכו כאש קוצים בשם יהוה כי אמילם׃

כי הנה היום בא בער כתנור והיו כל זדים וכל עשה רשעה קש ולהט אתם היום הבא אמר יהוה צבאות אשר לא יעזב להם שרש וענף׃

ועסותם רשעים כי יהיו אפר תחת כפות רגליכם ביום אשר אני עשה אמר יהוה צבאות׃