1
ואלה הבאים אל דויד לציקלג עוד עצור מפני שאול בן קיש והמה בגבורים עזרי המלחמה׃
2
נשקי קשת מימינים ומשמאלים באבנים ובחצים בקשת מאחי שאול מבנימן׃
3
הראש אחיעזר ויואש בני השמעה הגבעתי ויזואל ופלט בני עזמות וברכה ויהוא הענתתי׃
4
וישמעיה הגבעוני גבור בשלשים ועל השלשים וירמיה ויחזיאל ויוחנן ויוזבד הגדרתי׃
5
אלעוזי וירימות ובעליה ושמריהו ושפטיהו החריפי׃
6
אלקנה וישיהו ועזראל ויועזר וישבעם הקרחים׃
7
ויועאלה וזבדיה בני ירחם מן הגדור׃