ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה׃

ובגלחו את ראשו והיה מקץ ימים לימים אשר יגלח כי כבד עליו וגלחו ושקל את שער ראשו מאתים שקלים באבן המלך׃

ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

וישלך את הכסף אל ההיכל ויפן וילך ויחנק׃

לא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשר יהוה אלהיך נתן לך נחלה׃

ארור מקלה אביו ואמו ואמר כל העם אמן׃

ארור שכב עם אשת אביו כי גלה כנף אביו ואמר כל העם אמן׃

כי שלח ברשת ברגליו ועל שבכה יתהלך׃

טמון בארץ חבלו ומלכדתו עלי נתיב׃

הלא איד לעול ונכר לפעלי און׃

והמה לשואה יבקשו נפשי יבאו בתחתיות הארץ׃

יגירהו על ידי חרב מנת שעלים יהיו׃

מקלל אביו ואמו ידעך נרו באישון חשך׃

עין תלעג לאב ותבוז ליקהת אם יקרוה ערבי נחל ויאכלוה בני נשר׃

הניס מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוה׃

כי משה אמר כבד את אביך ואת אמך ומקלל אביו ואמו מות יומת׃

המשיח פדנו מקללת התורה בהיותו לקללה בעדנו שנאמר קללת אלהים תלוי׃