נשפת ברוחך כסמו ים צללו כעופרת במים אדירים׃

ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃

מן שמים נלחמו הכוכבים ממסלותם נלחמו עם סיסרא׃

נחל קישון גרפם נחל קדומים נחל קישון תדרכי נפשי עז׃

וינסו הנותרים אפקה אל העיר ותפל החומה על עשרים ושבעה אלף איש הנותרים ובן הדד נס ויבא אל העיר חדר בחדר׃

קומה יהוה הושיעני אלהי כי הכית את כל איבי לחי שני רשעים שברת׃

שפטני אלהים וריבה ריבי מגוי לא חסיד מאיש מרמה ועולה תפלטני׃