2 Samuel 19:39
ויעבר כל העם את הירדן והמלך עבר וישק המלך לברזלי ויברכהו וישב למקמו׃
Néhémie 11:2
ויברכו העם לכל האנשים המתנדבים לשבת בירושלם׃
Job 29:11
כי אזן שמעה ותאשרני ועין ראתה ותעידני׃
Job 31:20
אם לא ברכוני חלצו ומגז כבשי יתחמם׃
Proverbes 31:28
קמו בניה ויאשרוה בעלה ויהללה׃
Génèse 6:8
ונח מצא חן בעיני יהוה׃
Exode 33:16
ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשר על פני האדמה׃
Exode 33:17
ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשם׃
Ruth 2:2
ותאמר רות המואביה אל נעמי אלכה נא השדה ואלקטה בשבלים אחר אשר אמצא חן בעיניו ותאמר לה לכי בתי׃
1 Samuel 20:3
וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך כי כפשע ביני ובין המות׃