ותכתב ספרים בשם אחאב ותחתם בחתמו ותשלח הספרים אל הזקנים ואל החרים אשר בעירו הישבים את נבות׃

והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

גם מזדים חשך עבדך אל ימשלו בי אז איתם ונקיתי מפשע רב׃

הוות תחשב לשונך כתער מלטש עשה רמיה׃

אך הבל בני אדם כזב בני איש במאזנים לעלות המה מהבל יחד׃

מי יתן ראשי מים ועיני מקור דמעה ואבכה יומם ולילה את חללי בת עמי׃

וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃

עקב הלב מכל ואנש הוא מי ידענו׃

על הרע כפים להיטיב השר שאל והשפט בשלום והגדול דבר הות נפשו הוא ויעבתוה׃

אל תאמינו ברע אל תבטחו באלוף משכבת חיקך שמר פתחי פיך׃