מי יתן טהור מטמא לא אחד׃

מה אנוש כי יזכה וכי יצדק ילוד אשה׃

אף כי נתעב ונאלח איש שתה כמים עולה׃

ומה יצדק אנוש עם אל ומה יזכה ילוד אשה׃

יהוה משמים השקיף על בני אדם לראות היש משכיל דרש את אלהים׃

הכל סר יחדו נאלחו אין עשה טוב אין גם אחד׃

הן בעוון חוללתי ובחטא יחמתני אמי׃

ויען המלאך ויאמר אליה רוח הקדש תבוא עליך וגבורת עליון תצל עליך על כן גם לקדוש הילוד יקרא בן אלהים׃

הנולד מן הבשר בשר הוא והנולד מן הרוח רוח הוא׃

לכן כאשר על ידי אדם אחד בא החטא לעולם והמות בעקב החטא וכן עבר המות על כל בני אדם מפני אשר כלם חטאו׃

לא כל הבשר באשר אחד הוא כי מין אחר הוא בשר האדם ומין אחר בשר הבהמה ומין אחר בשר הדגה ומין אחר בשר העוף׃

וגם אנחנו כלנו בתוכם הלכנו לפנים בתאות הבשר לעשות חפצי בשרנו ומחשבותינו ונהי אך בני רגז בטבענו כאשר בני אדם׃

וידע אדם עוד את אשתו ותלד בן ותקרא את שמו שת כי שת לי אלהים זרע אחר תחת הבל כי הרגו קין׃