ותהר עוד ותלד בלהה שפחת רחל בן שני ליעקב׃

ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃

ובני בלהה שפחת רחל דן ונפתלי׃

נפתלי אילה שלחה הנתן אמרי שפר׃

לנפתלי אחירע בן עינן׃

בני נפתלי תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה נפתלי שלשה וחמשים אלף וארבע מאות׃

בני נפתלי למשפחתם ליחצאל משפחת היחצאלי לגוני משפחת הגוני׃

אלה משפחת נפתלי למשפחתם ופקדיהם חמשה וארבעים אלף וארבע מאות׃

ולנפתלי אמר נפתלי שבע רצון ומלא ברכת יהוה ים ודרום ירשה׃

בימי פקח מלך ישראל בא תגלת פלאסר מלך אשור ויקח את עיון ואת אבל בית מעכה ואת ינוח ואת קדש ואת חצור ואת הגלעד ואת הגלילה כל ארץ נפתלי ויגלם אשורה׃

דן יוסף ובנימן נפתלי גד ואשר׃

ומנפתלי שרים אלף ועמהם בצנה וחנית שלשים ושבעה אלף׃

בני נפתלי יחציאל וגוני ויצר ושלום בני בלהה׃