ותהר עוד לאה ותלד בן ששי ליעקב׃

ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון׃

זבולן לחוף ימים ישכן והוא לחוף אניות וירכתו על צידן׃

לזבולן אליאב בן חלן׃

לבני זבולן תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה זבולן שבעה וחמשים אלף וארבע מאות׃

בני זבולן למשפחתם לסרד משפחת הסרדי לאלון משפחת האלני ליחלאל משפחת היחלאלי׃

אלה משפחת הזבולני לפקדיהם ששים אלף וחמש מאות׃

ולזבולן אמר שמח זבולן בצאתך ויששכר באהליך׃

עמים הר יקראו שם יזבחו זבחי צדק כי שפע ימים יינקו ושפוני טמוני חול׃

אלה בני ישראל ראובן שמעון לוי ויהודה יששכר וזבלון׃