Génèse 37:29-34
29
וישב ראובן אל הבור והנה אין יוסף בבור ויקרע את בגדיו׃
30
וישב אל אחיו ויאמר הילד איננו ואני אנה אני בא׃
31
ויקחו את כתנת יוסף וישחטו שעיר עזים ויטבלו את הכתנת בדם׃
32
וישלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא׃
33
ויכירה ויאמר כתנת בני חיה רעה אכלתהו טרף טרף יוסף׃
34
ויקרע יעקב שמלתיו וישם שק במתניו ויתאבל על בנו ימים רבים׃
Nombres 14:6
ויהושע בן נון וכלב בן יפנה מן התרים את הארץ קרעו בגדיהם׃
2 Samuel 1:2
ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו׃
2 Samuel 1:11
ויחזק דוד בבגדו ויקרעם וגם כל האנשים אשר אתו׃
2 Samuel 13:19
ותקח תמר אפר על ראשה וכתנת הפסים אשר עליה קרעה ותשם ידה על ראשה ותלך הלוך וזעקה׃