1 Samuel 25:8
שאל את נעריך ויגידו לך וימצאו הנערים חן בעיניך כי על יום טוב בנו תנה נא את אשר תמצא ידך לעבדיך ולבנך לדוד׃
Génèse 32:20
ואמרתם גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני׃
Génèse 32:21
ותעבר המנחה על פניו והוא לן בלילה ההוא במחנה׃
Génèse 18:2
וישא עיניו וירא והנה שלשה אנשים נצבים עליו וירא וירץ לקראתם מפתח האהל וישתחו ארצה׃
Génèse 33:10
ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים ותרצני׃
Génèse 42:6
ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃
Génèse 43:11
ויאמר אלהם ישראל אביהם אם כן אפוא זאת עשו קחו מזמרת הארץ בכליכם והורידו לאיש מנחה מעט צרי ומעט דבש נכאת ולט בטנים ושקדים׃
Génèse 43:26
ויבא יוסף הביתה ויביאו לו את המנחה אשר בידם הביתה וישתחוו לו ארצה׃
1 Samuel 25:27
ועתה הברכה הזאת אשר הביא שפחתך לאדני ונתנה לנערים המתהלכים ברגלי אדני׃
Proverbes 17:8
אבן חן השחד בעיני בעליו אל כל אשר יפנה ישכיל׃
Proverbes 18:16
מתן אדם ירחיב לו ולפני גדלים ינחנו׃
Proverbes 19:6
רבים יחלו פני נדיב וכל הרע לאיש מתן׃
Proverbes 21:14
מתן בסתר יכפה אף ושחד בחק חמה עזה׃