ויזרע יצחק בארץ ההוא וימצא בשנה ההוא מאה שערים ויברכהו יהוה׃

ויהי לו מקנה צאן ומקנה בקר ועבדה רבה ויקנאו אתו פלשתים׃

ויסע משם אברהם ארצה הנגב וישב בין קדש ובין שור ויגר בגרר׃

אשכילך ואורך בדרך זו תלך איעצה עליך עיני׃

לדוד אל תתחר במרעים אל תקנא בעשי עולה׃

בטח ביהוה ועשה טוב שכן ארץ ורעה אמונה׃

גול על יהוה דרכך ובטח עליו והוא יעשה׃

שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי׃

באמונה היה גר בארץ ההבטחה כמו בנכריה וישב באהלים הוא ויצחק ויעקב אשר ירשו עמו ההבטחה ההיא׃

כפי אמונה מתו כל אלה ולא השיגו את ההבטחות רק מרחוק ראו אותן ויבטחו וישמחו לקראתן ויודו כי גרים הם ותושבים בארץ׃

ואם היתה דעתם על הארץ ההיא אשר יצאו ממנה הלא היה בידם לשוב אליה׃

והנה אנכי עמך ושמרתיך בכל אשר תלך והשבתיך אל האדמה הזאת כי לא אעזבך עד אשר אם עשיתי את אשר דברתי לך׃

ויהי יהוה את יוסף ויהי איש מצליח ויהי בבית אדניו המצרי׃

ויהי יהוה את יוסף ויט אליו חסד ויתן חנו בעיני שר בית הסהר׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

אל תירא כי אתך אני ממזרח אביא זרעך וממערב אקבצך׃

אשר למדתם וקבלתם ושמעתם וראיתם בי את אלה תעשו ואלהי השלום יהיה עמכם׃

ויאמר יהוה אל אברם לך לך מארצך וממולדתך ומבית אביך אל הארץ אשר אראך׃

וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו׃

כי את כל הארץ אשר אתה ראה לך אתננה ולזרעך עד עולם׃

קום התהלך בארץ לארכה ולרחבה כי לך אתננה׃

ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃

ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

ויאמר בי נשבעתי נאם יהוה כי יען אשר עשית את הדבר הזה ולא חשכת את בנך את יחידך׃

והתברכו בזרעך כל גויי הארץ עקב אשר שמעת בקלי׃

אשר כרת את אברהם ושבועתו לישחק׃

תתן אמת ליעקב חסד לאברהם אשר נשבעת לאבתינו מימי קדם׃

על כן כאשר רצה האלהים להראות ביותר את ירשי ההבטחה כי לא תשתנה עצתו ערב אתה בשבועה׃