לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃

כי אם בתורת יהוה חפצו ובתורתו יהגה יומם ולילה׃

אזכיר מעללי יה כי אזכרה מקדם פלאך׃

והגיתי בכל פעלך ובעלילותיך אשיחה׃

יערב עליו שיחי אנכי אשמח ביהוה׃

בפקדיך אשיחה ואביטה ארחתיך׃

ולי מה יקרו רעיך אל מה עצמו ראשיהם׃

אספרם מחול ירבון הקיצתי ועודי עמך׃

זכרתי ימים מקדם הגיתי בכל פעלך במעשה ידיך אשוחח׃

פרשתי ידי אליך נפשי כארץ עיפה לך סלה׃