Génèse 11:25-32
25
ויחי נחור אחרי הולידו את תרח תשע עשרה שנה ומאת שנה ויולד בנים ובנות׃
26
ויחי תרח שבעים שנה ויולד את אברם את נחור ואת הרן׃
27
ואלה תולדת תרח תרח הוליד את אברם את נחור ואת הרן והרן הוליד את לוט׃
28
וימת הרן על פני תרח אביו בארץ מולדתו באור כשדים׃
29
ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה׃
30
ותהי שרי עקרה אין לה ולד׃
31
ויקח תרח את אברם בנו ואת לוט בן הרן בן בנו ואת שרי כלתו אשת אברם בנו ויצאו אתם מאור כשדים ללכת ארצה כנען ויבאו עד חרן וישבו שם׃
32
ויהיו ימי תרח חמש שנים ומאתים שנה וימת תרח בחרן׃
Génèse 12:1
ויאמר יהוה אל אברם לך לך מארצך וממולדתך ומבית אביך אל הארץ אשר אראך׃
Génèse 12:7
וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו׃
Génèse 22:20-23
20
ויהי אחרי הדברים האלה ויגד לאברהם לאמר הנה ילדה מלכה גם הוא בנים לנחור אחיך׃
21
את עוץ בכרו ואת בוז אחיו ואת קמואל אבי ארם׃
22
ואת כשד ואת חזו ואת פלדש ואת ידלף ואת בתואל׃
23
ובתואל ילד את רבקה שמנה אלה ילדה מלכה לנחור אחי אברהם׃
Génèse 28:2
קום לך פדנה ארם ביתה בתואל אבי אמך וקח לך משם אשה מבנות לבן אחי אמך׃