ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה׃

ותהי שרי עקרה אין לה ולד׃

ויאמר אלהים אל אברהם שרי אשתך לא תקרא את שמה שרי כי שרה שמה׃

ויפל אברהם על פניו ויצחק ויאמר בלבו הלבן מאה שנה יולד ואם שרה הבת תשעים שנה תלד׃

ויאמר אלהים אבל שרה אשתך ילדת לך בן וקראת את שמו יצחק והקמתי את בריתי אתו לברית עולם לזרעו אחריו׃

ויאמר שוב אשוב אליך כעת חיה והנה בן לשרה אשתך ושרה שמעת פתח האהל והוא אחריו׃

ותצחק שרה בקרבה לאמר אחרי בלתי היתה לי עדנה ואדני זקן׃

היפלא מיהוה דבר למועד אשוב אליך כעת חיה ולשרה בן׃

ויהוה פקד את שרה כאשר אמר ויעש יהוה לשרה כאשר דבר׃

ויקרא אברהם את שם בנו הנולד לו אשר ילדה לו שרה יצחק׃

ואברהם בן מאת שנה בהולד לו את יצחק בנו׃

ותאמר מי מלל לאברהם היניקה בנים שרה כי ילדתי בן לזקניו׃

ולא רפתה אמונתו ולא התבונן אל גופו שכבר נפוג בהיותו כבן מאת שנה ואל בלות רחם שרה׃

ותאמר לאברהם גרש האמה הזאת ואת בנה כי לא יירש בן האמה הזאת עם בני עם יצחק׃

ויתן אברהם את כל אשר לו ליצחק׃