Psaumes 100:3
דעו כי יהוה הוא אלהים הוא עשנו ולא אנחנו עמו וצאן מרעיתו׃
Psaumes 139:14
אודך על כי נוראות נפליתי נפלאים מעשיך ונפשי ידעת מאד׃
Psaumes 139:15
לא נכחד עצמי ממך אשר עשיתי בסתר רקמתי בתחתיות ארץ׃
Esaïe 64:8
ועתה יהוה אבינו אתה אנחנו החמר ואתה יצרנו ומעשה ידך כלנו׃
Génèse 3:19
בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשוב׃
Génèse 3:23
וישלחהו יהוה אלהים מגן עדן לעבד את האדמה אשר לקח משם׃
Job 4:19
אף שכני בתי חמר אשר בעפר יסודם ידכאום לפני עש׃
Job 33:6
הן אני כפיך לאל מחמר קרצתי גם אני׃
Psaumes 103:14
כי הוא ידע יצרנו זכור כי עפר אנחנו׃
Ecclesiaste 3:7
עת לקרוע ועת לתפור עת לחשות ועת לדבר׃
Ecclesiaste 3:20
הכל הולך אל מקום אחד הכל היה מן העפר והכל שב אל העפר׃
Ecclesiaste 12:7
וישב העפר על הארץ כשהיה והרוח תשוב אל האלהים אשר נתנה׃
Esaïe 64:8
ועתה יהוה אבינו אתה אנחנו החמר ואתה יצרנו ומעשה ידך כלנו׃
Romains 9:20
אמנם בן אדם מי אתה אשר תריב את האלהים היאמר יצר ליצרו למה ככה עשיתני׃
1 Corinthiens 15:47
האדם הראשון מן האדמה הוא של עפר והאדם השני הוא האדון מן השמים׃
2 Corinthiens 4:7
אבל יש לנו האוצר הזה בכלי חרש למען אשר תהיה הגבורה היתרה לאלהים ולא מאתנו׃
2 Corinthiens 5:1
הן ידענו כי בהרס בית אהלנו אשר בארץ יש לנו בנין מאת האלהים בית אשר איננו מעשה ידים והוא לעולם בשמים׃
Job 27:3
כי כל עוד נשמתי בי ורוח אלוה באפי׃
Job 33:4
רוח אל עשתני ונשמת שדי תחיני׃
Jean 20:22
ויהי בדברו זאת ויפח בהם ויאמר אליהם קחו לכם את רוח הקדש׃
Actes 17:25
גם לא ישרתוהו ידי בני אדם כאלו יצטרך לדבר כי הוא הנתן לכל חיים ונשמה וכל דבר׃
Génèse 7:22
כל אשר נשמת רוח חיים באפיו מכל אשר בחרבה מתו׃
Ecclesiaste 3:21
מי יודע רוח בני האדם העלה היא למעלה ורוח הבהמה הירדת היא למטה לארץ׃
Esaïe 2:22
חדלו לכם מן האדם אשר נשמה באפו כי במה נחשב הוא׃
Nombres 16:22
ויפלו על פניהם ויאמרו אל אלהי הרוחת לכל בשר האיש אחד יחטא ועל כל העדה תקצף׃
Nombres 27:16
יפקד יהוה אלהי הרוחת לכל בשר איש על העדה׃
Proverbes 20:27
נר יהוה נשמת אדם חפש כל חדרי בטן׃
Zacharie 12:1
משא דבר יהוה על ישראל נאם יהוה נטה שמים ויסד ארץ ויצר רוח אדם בקרבו׃
1 Corinthiens 15:45
כן גם כתוב ויהי האדם הוא אדם הראשון לנפש חיה אדם האחרון לרוח מחיה׃
Hébreux 12:9
ועוד אם אבות בשרנו היו מיסרים אתנו ונירא מהם אף כי נכנע לפני אבי הרוחות ונחיה׃