ויהוה ברך את אדני מאד ויגדל ויתן לו צאן ובקר וכסף וזהב ועבדם ושפחת וגמלים וחמרים׃

ויזרע יצחק בארץ ההוא וימצא בשנה ההוא מאה שערים ויברכהו יהוה׃

ויגדל האיש וילך הלוך וגדל עד כי גדל מאד׃

וזכרת את יהוה אלהיך כי הוא הנתן לך כח לעשות חיל למען הקים את בריתו אשר נשבע לאבתיך כיום הזה׃

יהוה מוריש ומעשיר משפיל אף מרומם׃

ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם׃

הלא את שכת בעדו ובעד ביתו ובעד כל אשר לו מסביב מעשה ידיו ברכת ומקנהו פרץ בארץ׃

הסכן נא עמו ושלם בהם תבואתך טובה׃

אם תשוב עד שדי תבנה תרחיק עולה מאהלך׃

והיה שדי בצריך וכסף תועפות לך׃

הללו יה אשרי איש ירא את יהוה במצותיו חפץ מאד׃

הון ועשר בביתו וצדקתו עמדת לעד׃

כבד את יהוה מהונך ומראשית כל תבואתך׃

וימלאו אסמיך שבע ותירוש יקביך יפרצו׃

ברכת יהוה היא תעשיר ולא יוסף עצב עמה׃

אך בקשו בראשונה את מלכות אלהים ואת צדקתו ונוסף לכם כל אלה׃

כי הרגל הגוף יועיל מעט אבל החסידות תועיל לכל דבר ויש לה הבטחת חיי העולם הזה והעולם הבא׃