אודך על כי נוראות נפליתי נפלאים מעשיך ונפשי ידעת מאד׃

כל הנקרא בשמי ולכבודי בראתיו יצרתיו אף עשיתיו׃

כי פעל אלהים אנחנו נבראים במשיח ישוע למעשים טובים אשר הכין האלהים מקדם למען נתהלך בהם׃

ותלבשו את האדם החדש הנברא כדמות אלהים בצדקה וקדשת האמת׃

והוא צלם האלהים הנעלם ובכור כל נברא׃

את הסוד אשר היה נסתר מעולמים ומדור ודור ועתה נגלה לקדושיו׃

ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה׃

ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת׃

ויהיו שניהם ערומים האדם ואשתו ולא יתבששו׃

זכר ונקבה בראם ויברך אתם ויקרא את שמם אדם ביום הבראם׃

ולא אחד עשה ושאר רוח לו ומה האחד מבקש זרע אלהים ונשמרתם ברוחכם ובאשת נעוריך אל יבגד׃

ויען ויאמר אליהם הלא קראתם כי עשה בראשית זכר ונקבה עשה אתם׃

אבל מראשית הבריאה זכר ונקבה עשה אתם אלהים׃

כי אין האיש מן האשה כי אם האשה מן האיש׃

גם לא נברא האיש בעבור האשה כי אם האשה בעבור האיש׃