ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא׃

ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה׃

ויצו שחקים ממעל ודלתי שמים פתח׃

כי לחם אלהים הוא היורד מן השמים ונתן חיים לעולם׃

ויאמר להם ישוע אנכי הוא לחם החיים כל הבא אלי לא ירעב ואשר יאמין בי לא יצמא עוד׃

וילנו עליו היהודים על אמרו אנכי הוא הלחם הירד מן השמים׃

זה הוא הלחם הירד מן השמים למען יאכל איש ממנו ולא ימות׃

כי בשרי באמת הוא מאכל ודמי באמת הוא משקה׃

זה הוא הלחם הירד מן השמים לא כאשר אכלו אבותיכם את המן וימתו האכל את הלחם הזה יחיה לעולם׃

האור האמתי המאיר לכל אדם היה בא אל העולם׃

אנכי הגפן האמתית ואבי הוא הכרם׃

ובמלאת העת שלח האלהים את בנו אשר נולד מאשה ונתן תחת יד התורה׃

וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃