20
והלוים אחיה על אוצרות בית האלהים ולאצרות הקדשים׃
21
בני לעדן בני הגרשני ללעדן ראשי האבות ללעדן הגרשני יחיאלי׃
22
בני יחיאלי זתם ויואל אחיו על אצרות בית יהוה׃
23
לעמרמי ליצהרי לחברוני לעזיאלי׃
24
ושבאל בן גרשום בן משה נגיד על האצרות׃
25
ואחיו לאליעזר רחביהו בנו וישעיהו בנו וירם בנו וזכרי בנו ושלמות בנו׃
26
הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות ושרי הצבא׃
27
מן המלחמות ומן השלל הקדישו לחזק לבית יהוה׃
28
וכל ההקדיש שמואל הראה ושאול בן קיש ואבנר בן נר ויואב בן צרויה כל המקדיש על יד שלמית ואחיו׃
29
ליצהרי כנניהו ובניו למלאכה החיצונה על ישראל לשטרים ולשפטים׃