1
וזאת תדע כי באחרית הימים יבאו עתים קשות׃
2
כי יהיו האנשים אהבי עצמם ואהבי בצע והוללים וגאים ומגדפים וממרים באבותם וכפויי טובה ולא חסידים׃
3
חסרי אהבה ובוגדים ומלשינים וזוללים ואכרזים ושנאי טוב׃
4
ומסרים ופחזים וגבהי רוח והלכים אחרי תענוגים יותר מאחרי האלהים׃
5
ואשר דמיון חסידות להם ומכחשים בכחה ואתה סור מאלה׃
6
כי יש בהם הבאים בלאט אל הבתים ושבים נשים טעונות חטאים ונתעות בתאות שנות׃
7
הלמדות תמיד ולעולם אינן יכלות לבוא לידיעת האמת׃