38
ושפטתיך משפטי נאפות ושפכת דם ונתתיך דם חמה וקנאה׃
39
ונתתי אותך בידם והרסו גבך ונתצו רמתיך והפשיטו אותך בגדיך ולקחו כלי תפארתך והניחוך עירם ועריה׃
40
והעלו עליך קהל ורגמו אותך באבן ובתקוך בחרבותם׃
41
ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עוד׃
42
והנחתי חמתי בך וסרה קנאתי ממך ושקטתי ולא אכעס עוד׃
43
יען אשר לא זכרתי את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי את הזמה על כל תועבתיך׃