ודעו כי הפלה יהוה חסיד לו יהוה ישמע בקראי אליו׃

כי יהוה אהב משפט ולא יעזב את חסידיו לעולם נשמרו וזרע רשעים נכרת׃

לך אני הושיעני כי פקודיך דרשתי׃

רגלי חסידו ישמר ורשעים בחשך ידמו כי לא בכח יגבר איש׃

צאני תשמענה את קולי ואני ידעתין ואחרי תלכנה׃

האב אשר נתנן לי גדול הוא על כל ואיש לא יחטף אתהן מיד האב׃

ואני אינני עוד בעולם והם בעולם המה ואני בא אליך אבי הקדוש נצר בשמך את אשר נתתם לי למען יהיו אחד כמנו׃

גם לא כמתעמרים בנחלת יהוה כי אם בהיותכם מופת לצאן׃

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן׃

ויוציאני למרחב יחלצני כי חפץ בי׃

לא מרבכם מכל העמים חשק יהוה בכם ויבחר בכם כי אתם המעט מכל העמים׃

כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים׃

ויוצא מזה כי את אשר יחפץ יחננו ואת אשר יחפץ יקשהו׃

להודיע גם את עשר כבודו על כלי החנינה אשר יעדם לכבוד׃

והם אנחנו אשר קראם לא מן היהודים בלבד כי אף מן הגוים׃

עשה עם עבדך כחסדך וחקיך למדני׃

עבדך אני הבינני ואדעה עדתיך׃

ובחסדך תצמית איבי והאבדת כל צררי נפשי כי אני עבדך׃

החפץ לשרתני ילך אחרי ובאשר אהיה שם יהיה גם משרתי ואיש אשר ישרתני אתו יכבד אבי׃

ואני בחסדך בטחתי יגל לבי בישועתך׃

מכתם לדוד שמרני אל כי חסיתי בך׃

למנצח מזמור לדוד בך יהוה חסיתי אל אבושה לעולם בצדקתך פלטני׃

יצר סמוך תצר שלום שלום כי בך בטוח׃

בטחו ביהוה עדי עד כי ביה יהוה צור עולמים׃

וישעיהו אמר והיה שרש ישי אשר עמד לנס עמים אליו גוים יקוו׃

ואלהי התקוה הוא ימלא אתכם כל שמחה ושלום באמונה למען תעדף תקותכם בגבורת רוח הקדש׃

להיותנו לתהלת כבודו אנחנו אשר יחלנו אל המשיח מאז׃

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש׃