האשימם אלהים יפלו ממעצותיהם ברב פשעיהם הדיחמו כי מרו בך׃

קומה יהוה באפך הנשא בעברות צוררי ועורה אלי משפט צוית׃

גם כל קויך לא יבשו יבשו הבוגדים ריקם׃

יבשו ויחפרו יחדו שמחי רעתי ילבשו בשת וכלמה המגדילים עלי׃

יבשו ויחפרו יחד מבקשי נפשי לספותה יסגו אחור ויכלמו חפצי רעתי׃

ישמו על עקב בשתם האמרים לי האח האח׃

יבשו יכלו שטני נפשי יעטו חרפה וכלמה מבקשי רעתי׃

מלא פניהם קלון ויבקשו שמך יהוה׃

יבשו ויבהלו עדי עד ויחפרו ויאבדו׃

עשה עמי אות לטובה ויראו שנאי ויבשו כי אתה יהוה עזרתני ונחמתני׃

יקללו המה ואתה תברך קמו ויבשו ועבדך ישמח׃

ילבשו שוטני כלמה ויעטו כמעיל בשתם׃

רשע יראה וכעס שניו יחרק ונמס תאות רשעים תאבד׃

אויביו אלביש בשת ועליו יציץ נזרו׃

יהוה רמה ידך בל יחזיון יחזו ויבשו קנאת עם אף אש צריך תאכלם׃

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃

אז ידבר אלימו באפו ובחרונו יבהלמו׃

תמצא ידך לכל איביך ימינך תמצא שנאיך׃

תשיתמו כתנור אש לעת פניך יהוה באפו יבלעם ותאכלם אש׃

שבו נא אל תהי עולה ושבי עוד צדקי בה׃

ושבתם וראיתם בין צדיק לרשע בין עבד אלהים לאשר לא עבדו׃

איש תוכחות מקשה ערף פתע ישבר ואין מרפא׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃