לשון חכמים תיטיב דעת ופי כסילים יביע אולת׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

חלקו מחמאת פיו וקרב לבו רכו דבריו משמן והמה פתחות׃

נפשי בתוך לבאם אשכבה להטים בני אדם שניהם חנית וחצים ולשונם חרב חדה׃

אשר שננו כחרב לשונם דרכו חצם דבר מר׃

יחזקו למו דבר רע יספרו לטמון מוקשים אמרו מי יראה למו׃

כי פי רשע ופי מרמה עלי פתחו דברו אתי לשון שקר׃

ודברי שנאה סבבוני וילחמוני חנם׃

יש בוטה כמדקרות חרב ולשון חכמים מרפא׃

אמר בלבו שכח אל הסתיר פניו בל ראה לנצח׃

על מה נאץ רשע אלהים אמר בלבו לא תדרש׃

ואמרו איכה ידע אל ויש דעה בעליון׃

ויאמרו לא יראה יה ולא יבין אלהי יעקב׃

הנטע אזן הלא ישמע אם יצר עין הלא יביט׃

הלא אלוה גבה שמים וראה ראש כוכבים כי רמו׃

ואמרת מה ידע אל הבעד ערפל ישפוט׃

הלוא ראית מה העם הזה דברו לאמר שתי המשפחות אשר בחר יהוה בהם וימאסם ואת עמי ינאצון מהיות עוד גוי לפניהם׃