טרף נפשו באפו הלמענך תעזב ארץ ויעתק צור ממקמו׃

ויאמר אלהים אל יונה ההיטב חרה לך על הקיקיון ויאמר היטב חרה לי עד מות׃

למנצח לדוד אמר נבל בלבו אין אלהים השחיתו התעיבו עלילה אין עשה טוב׃

אמרתי להוללים אל תהלו ולרשעים אל תרימו קרן׃

איש בער לא ידע וכסיל לא יבין את זאת׃

אולים מדרך פשעם ומעונתיהם יתענו׃

עד מתי פתים תאהבו פתי ולצים לצון חמדו להם וכסילים ישנאו דעת׃

תשובו לתוכחתי הנה אביעה לכם רוחי אודיעה דברי אתכם׃

הבינו פתאים ערמה וכסילים הבינו לב׃

אל תבהל ברוחך לכעוס כי כעס בחיק כסילים ינוח׃

ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃

ויהי שאול עון את דוד מהיום ההוא והלאה׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

ויהי אפרים כיונה פותה אין לב מצרים קראו אשור הלכו׃

כי יש בהם הבאים בלאט אל הבתים ושבים נשים טעונות חטאים ונתעות בתאות שנות׃