יגעתי באנחתי אשחה בכל לילה מטתי בדמעתי ערשי אמסה׃

עששה מכעס עיני עתקה בכל צוררי׃

חנני יהוה כי צר לי עששה בכעס עיני נפשי ובטני׃

כי החרשתי בלו עצמי בשאגתי כל היום׃

יגעתי בקראי נחר גרוני כלו עיני מיחל לאלהי׃

כי כלו בעשן ימי ועצמותי כמו קד נחרו׃

מקול אנחתי דבקה עצמי לבשרי׃

כאשר שממו עליך רבים כן משחת מאיש מראהו ותארו מבני אדם׃

על אלה אני בוכיה עיני עיני ירדה מים כי רחק ממני מנחם משיב נפשי היו בני שוממים כי גבר אויב׃

ותכה מכעש עיני ויצרי כצל כלם׃

אפפוני חבלי מות ומצרי שאול מצאוני צרה ויגון אמצא׃

ויתפלל יונה אל יהוה אלהיו ממעי הדגה׃

ותשליכני מצולה בלבב ימים ונהר יסבבני כל משבריך וגליך עלי עברו׃

אפפוני מים עד נפש תהום יסבבני סוף חבוש לראשי׃

בהתעטף עלי נפשי את יהוה זכרתי ותבוא אליך תפלתי אל היכל קדשך׃

ואני בקול תודה אזבחה לך אשר נדרתי אשלמה ישועתה ליהוה׃

ויאמר אליהם נפשי מרה לי עד מות עמדו פה ושקדו׃