16
ואלה שמות בני לוי לתלדתם גרשון וקהת ומררי ושני חיי לוי שבע ושלשים ומאת שנה׃
17
בני גרשון לבני ושמעי למשפחתם׃
18
ובני קהת עמרם ויצהר וחברון ועזיאל ושני חיי קהת שלש ושלשים ומאת שנה׃
19
ובני מררי מחלי ומושי אלה משפחת הלוי לתלדתם׃
20
ויקח עמרם את יוכבד דדתו לו לאשה ותלד לו את אהרן ואת משה ושני חיי עמרם שבע ושלשים ומאת שנה׃
21
ובני יצהר קרח ונפג וזכרי׃
22
ובני עזיאל מישאל ואלצפן וסתרי׃
23
ויקח אהרן את אלישבע בת עמינדב אחות נחשון לו לאשה ותלד לו את נדב ואת אביהוא את אלעזר ואת איתמר׃
24
ובני קרח אסיר ואלקנה ואביאסף אלה משפחת הקרחי׃